長生津係政府其中一個
最大嘅安老福利。

唔係。自住物業唔計入資產，無論層樓值幾百萬都一樣，唔會影響你嘅 $415,000（單身）資產上限。

要計嘅係：銀行存款、股票、基金、外幣、黃金、非自住物業、保單現金價值呢類。

會。金額同入息／資產限額每年檢討，近年多數喺 2 月 1 日 隨物價上調（2026 年 2 月 1 日起係每月 $4,345）。

所以唔好一路用舊數計。如果你以前因為資產超標被拒，新一年限額放寬之後，可以再申請一次。

有。可以申請 高齡津貼（生果金），每月 $1,675，唔需要資產審查。生果金同長生津唔可以同時領。

唔使。子女家用／奉養費完全唔計入息。但要留意：如果筆錢一直冇用、累積成儲蓄，嗰舊儲蓄就會當「資產」計。

申請人自己嘅 MPF，提取與否都要計。

配偶未滿 65 歲、未提取嘅 MPF 就唔計。呢點最多人報錯，填表前值得對清楚。

可以，透過廣東計劃或福建計劃繼續領取。有兩個關卡：

① 申請前一年，要喺香港住滿 275 日（呢關最常卡住人）。
② 獲批之後，每年要喺廣東／福建住滿 60 日，就可以拎足全年津貼。

滿 65 歲生日當日 自動存入醫健通，唔使申請。每年 $2,000，最多累積 $8,000。

用嘅時候出示香港身份證，即時按當日匯率扣錢。只限已登記醫護專業嘅門診服務，唔可以純買藥或者住院。

要分清兩樣：

① 自用首飾（包括金器、玉佩等）——唔計資產。
② 金條、金幣、紀念金呢類投資用途嘅黃金——要計，按市值申報。

另外要留意：金牙 屬於個人所需，同樣唔計。判斷標準係「自己戴」定「用嚟保值／投資」。

申請前一年要喺香港住滿 275 日（即離港上限 90 日），離港日數係按出入境紀錄逐日計：

· 即日離港、即日返港 —— 唔計離港一日。
· 三日兩夜（例如星期五去、星期日返）—— 計 2 日 離港。
· 換句話講：離港日數 = 行程總日數 − 1，來回當日唔重複計。

所以成日北上飲茶、即日來回，唔會食你嘅 90 日額度；反而連續幾日唔喺香港，就要自己記住數。

有，但要喺申請之前做，而且唔可以為咗申請而臨急轉移或隱瞞。常見兩個方向：

① 年金 —— 一筆過或分期俾嘅「投保保費金額」唔計入長生津資產，之後每月派發嘅年金就計入息。
② 人壽保障保險（有儲蓄成份） —— 「投保金額」同累積嘅現金價值 唔計入長生津資產，定期或靈活提取亦唔計入息。

⚠️ 相反，投連險（ILAS） 就唔可以豁免：退保現金價值計資產、每月派息計入息。

每個人嘅資產組合唔同，落手之前最好先對一次數。呢類安排涉及保險產品，屬個別建議，唔可以一概而論。

身份證、住址證明、銀行戶口資料，同埋資產入息嘅證明（銀行月結單、保單、股票月結單等）。

下面有兩份免費填表懶人包，印出嚟逐格填，就唔會漏。

社署會抽查同核對（包括出入境紀錄）。故意隱瞞屬刑事罪行，會被追討款項同檢控。